Kur Jevgeni Prigozhin dhe trupat e tij të vagnerit nisën rebelimin, dy muaj më parë, Vladimir Putin e bëri të qartë cfarë ndjente – shkruan Steve Rosenberg, redaktor i BBC-së për Rusinë. Ai e quajti rebelimin tradhëti dhe thikë pas shpine për rusinë dhe premtoi se autorët do të ndëshkoheshin. Ndaj, pati shumë habi në rusi, kur ndëshkimi mungoi. Kur u arrit një marrëveshje mes Prigozhin dhe Kremlinit për ti dhënë fund rebelimit, kur u rrëzuan të gjitha akuzat kundër themeluesit të vagnerit dhe mercenarëve të tij, pavarësisht faktit se ushtarë rusë ishin vrarë gjatë rebelimit jetëshkurtër. Kjo e bëri putinin të dukej i dobët. Duke komentuar kompromisin, një e përditshme ruse shkruante: Ky lloj kompromisi bëhet zakonisht me kundërshtarët politikë. Asnjëherë me kriminelë dhe terroristë. A do të thotë kjo se ne duhet ta shohim Prigozhin si një figurë politike tani?