Forca të shumta policore që prej mëngjesit të kësaj të shtune janë pozicionuar në ambientet e selisë blu. Pas përfundimit të protestës së thirrur nga ish kryeministri Sali Berisha, ambientet e jashtme dhe të brendshme të selisë janë në gjendje mjeranë, ndërsa demokratët nuk janë vënë ndonjëherë përpara kësaj situate prej vitesh të tëra. E ndërsa protesta u mbyll me incidente të shumta pas dhunës së nxitur nga protestuesit, efektivët kanë sekuetruar disa sende në cilësinë e provave materaiale. Bëhet fjalë për sende të forta të cilat janë përdorur për të shkatërruar ambientet e selisë si dhe për të hapur dyert e për të thyer xhamat. Mes sendeve policia ka marrë edhe një furgon, ky dyshohet se në brendësi të tij ndodhen materiale dhe sende të shumta, por kjo nuk është ende e konfirmuar. Prokuroria po ashtu prej orësh të tëra ndodhet në seli, ndërsa bëhet me dije se janë sekuestruar edhe kamerat e sigurisë.