Serbia mban të dielën e 17 dhjetorit zgjedhjet e parakohshme parlamentare dhe lokale, teksa presidenti Vuçiç, ish ministër i Sllobodan Millosheviqit, i veshur me petkun e reformuesit, synon të konsolidojë pushtetin e tij. Me një opozitë të dobët, Vuçiç sipas sondazheve prin me një përkrahje prej 39.2%, përballë opozitës me 25.8 %. Nga ana tjetër Vuçiçit pritet ti bashkohen edhe parti të tjera duke I dhënë sërish shumicën në Parlament. Por edhe këto zgjedhje, shqiptarët sërish nuk gjetën gjuhën e përbashkët, për të dale me një listë të përbashkët, çka mund tu siguronte atyre 4 deputetë. Shqiptarët e luginës do dalin me dy lista atë të Shaip Kamberi që prin Listës “Beteja politike e shqiptarëve vazhdon dhe alternativa Demokratike Shqiptare – Lugina e Bashkuar” e Visar Memeti. Për të marrë një vend në parlament u duhen 10 mijë vota. Nga ana tjetër, nga ndihmëssekretari amerikan i Shtetit për Evropën dhe Euroazinë, James O’Brien, është theksuar se Shtetet e Bashkuara presin nga Qeveria e ardhshme e Serbisë t’i vazhdojë bisedimet me Kosovën dhe rrugën drejt integrimit evropian. Pamjet: AFP