Shtetet e Bashkuara të Amerikës i kanë ofruar mbështetje të fortë Serbisë për angazhimin e saj në nismën e “Ballkanit të Hapur”. Gjatë një takimi prej afro tre orësh mes presidentit serb Aleksandër Vuçiç dhe ambasadorit amerikan në Beograd Christofer Hill, palët diskutuan për favoret që ofron kjo iniciativë. Kjo nismë përfshin deri më tani Shqipërinë, Serbinë dhe Maqedoninë e Veriut. Por, i dërguari i Shteteve të Bashkuara të Amerikës ër Ballkanit Gabriel Escobar ka marrë porosi diplomatike të bëjë gjithçka është e mundur për mbështetjen e vendeve që janë përfshirë deri tani, por që mund të përfshihen edhe në të ardhmen. Por sipas presidentit serb, Shtetet e Bashkuara të Amerikës kanë ofruar tashmë mbështetje të pakushtëzuar. Pavarësisht ftesave të vazhdueshme, Kosova, Mali i Zi dhe Bosnjë-Hercegovina kanë refuzuar të bëhen pjesë e Ballkanit të Hapur.