Autoritetet serbe duket se po pranojnë dështimin e tyre në tentativat për të bllokuar rrugën europiane të Kosovës. Ministri serb i Punëve të Jashtme, Ivica Daçiç, ka deklaruar se vendi i tij është në presion të madh nga Perëndimi, pasi kërkohet që Kosova të shtyhet drejt organizatave ndërkombëtare. Deklarata është dhënë gjatë një intervistë për median serbe “Pink”, ku Daçiç thekson se vendet perëndimore harrojnë se në 1999 është kryer agresion ndaj Serbisë, për të cilin askush nuk ka mbajtur përgjegjësi, nën arsyetimin se ka qenë ndërhyrje humanitare.