Moska i ka kërkuar Beogradit një qëndrim zyrtar për informacionet se armë serbe i janë dorëzuar Ukrainës, tha zëdhënësja e Ministrisë së Punëve të Jashtme të Rusisë, Marija Zakharova. “Ne tashmë i kemi kërkuar Beogradit të japë sqarime. Kjo nuk duhet të bëhet as përmes mediave, as përmes kanalit Telegram, as përmes rrjedhjeve të informacionit, por përmes qëndrimit të shpallur zyrtarisht të palës serbe”, tha Zaharova për agjencinë ruse të lajmeve TASS. Ajo shtoi se faktet duhet të zbulohen dhe në bazë të tyre të nxirren përfundimet e duhura, sepse është një “temë jashtëzakonisht e rëndësishme për marrëdhëniet dypalëshe”. Më herët, Zakharova deklaroi se Moska është thellësisht e shqetësuar për akuzat për përfshirjen e Serbisë në shitjen e armëve në Ukrainë. “Ne po e ndjekim me vëmendje këtë histori, i kemi kushtuar vëmendje diskutimit të fundit për këtë temë në parlamentin serb. Informacioni që qarkullon sigurisht që na shkakton shqetësimin të thellë”, tha ajo në një koment të publikuar në faqen e ministrisë.