Një sasi e madhe nafte, e cila po futej kontrabandë në portin e Durrësit, u sekuestrua këtë të martë nga policia kufitare. 2275 ton naftë u gjetën në një anije cistern e cila vinte nga Libia drejt Shqipërisë. Policia kufiatare e portit të Durrësit organizoi një operacion të koduar “Ring”, në kuadër të të cilit 4 persona ranë në pranga dhe 6 të tjerë u proceduan në gjendje të lirë. Në pranga u vendosën 54 vjecari me iniciale ZA, i cili ishte kapiteni i anijes, dy të rinj të moshave 25 vjec me iniciale MA dhe BT, njëri me vendbanim ne Libi dhe tjetri në Siri dhe një 43 vjecar me iniciale AA banues në Libi. Të tjerët të cilët u proceduan në gjendje të lirë, po ashtu janë shtetas libanez dhe dyshohet se janë bashkëpunëtor të 4 personave të tjerë. Policia kufitare përvec naftës, sekuestroi anijen cistern, dhe disa aparate celularë.