Policia e Vlorës ka sekuestruar 11 kilogramë kanabis sattiva gjatë një operacioni në zonën e Selenicës. Operacioni i policisë është ndërmarrë në kuadër të kontrollit mbi territor dhe në bazë të informacione të marra në rrugë operative është ushtuar kontroll në banesën e shtetasit L. B., 28 vjeç, banues në fshatin Amonicë, Selenicë. Gjatë kontrollit të ushtruar në banesën e tij, shërbimet e Policisë kanë gjetur dhe sekuestruar rreth 11 kg lëndë narkotike e dyshuar cannabis sativa. Po gjatë këtyre kontrolleve, është arrestuar edhe një shtetas 48 vjeçar, banues në Mesaplik, Selenicë, pasi gjatë kontrollit në territorin përreth banesës së tij janë konstatuar të kultivuara disa bimë të dyshuara narkotike cannabis sativa. Materialet iu referuan Prokurorisë Vlorë, për veprën penale "Prodhimi dhe shitje e narkotikëve" në ngarkim të shtetasit 28 vjecar nga amonica dhe për veprën penale "Kultivimi i bimëve narkotike", në ngarkim të 48 vjecarit nga Mesapliku.