Top News -Rusia ‘zpraps’ sulmin e madh ukrainas/ ’Kemi vrarë qindra ushtarë’, a nisi kundërofensiva?

Ministria ruse e Mbrojtjes ka pretenduar se e ka penguar një ofensivë masive ukrainase në Donjeck. Ajo ka pretenduar se i ka vrarë 250 trupa ushtarake ukrainase, dhe se ka shkatërruar pajisje të armatosura. Në një video të publikuar, ku rusia thotë se i përket betejës, shihet një përballje e ashpër me shumë pajisje luftarake të përfshira nga flakët. Kievi nuk ka bërë ende komente për këtë pretendim të moskës. Për kundërofensivën ukrainase flitet shumë në muajt e fundit, dhe Kievi ka thënë se nuk do të japë paralajmërim për nisje të saj.