Ndërkohë që pakënaqësitë mes familjarëve të të rekrutuarve rusë që janë dërguar në front në ukrainë, vijnë në rritje, ka zëra se ushtria ruse ka mungesë personeli në Ukrainë. Rekrutimi bëhet sipas një sistemi ekzistues: fushata reklamuese patriotike që nxjerrin në pah pagat dhe përfitimet për ushtarët vullnetarë, së bashku me pensionet e veteranëve dhe përfitimet e vdekjes për të vejat. Urdhri për mobilizim ushtarak i presidentit rus, Vladimir Putin, i dhënë 14 muaj më parë, dërgoi dhjetëra mijëra burra në vijat e frontit në Ukrainë. Por, gjakderdhja vazhdon, dhe sa më gjatë që të vazhdojë, aq më shumë burra do të nevojiten. Dhe, sa më shumë burra që nevojiten, aq më shumë ka gjasa që të ketë një mobilizim të dytë - gjë të cilën Kremlini dëshiron ta shmangë katër muaj përpara zgjedhjeve presidenciale, në të cilat pritet të garojë edhe Putini.