Danimarka duhet të përshpejtojë investimet e saj ushtarake pasi të dhëna të reja të inteligjencës tregojnë se rusia po riarmatoset më shpejt nga sa pritej dhe se ajo mund të sulmojë një vend të natos brenda tre deri në pesë vitesh- tha të premten ministri danez i mbrojtjes. “Kapaciteti i rusisë për të prodhuar pajisje ushtarake është rritur në mënyrë të frikshme”, tha ministri i mbrojtjes Troels Lund Poulsen për një gazetë vendase. “Nuk mund të përjashtohet mundësia që vrenda një periudhe nga tre deri në pesë vite, rusia do të testojë nenin 5 dhe solidaritetin e NATO-s. Ky nuk ishte vlerësimi i NATO-s në 2023-shin. Kjo është dicka e re, e cila po del në pah tani”, tha ministri. Vlerësimi i ndryshuar i kërcënimit vjen pasi vendet e tjera evropiane të NATO-s kanë bërë paralajmërime të ngjashme në javët e fundit. Ministri gjerman i mbrojtjes, Boris Pistorius, tha në janar se aleanca duhej të përgatitej për një sulm rus mbi një vend të natos, brenda pesë apo tetë vitesh. Poulsen ndërkohë tha se nuk ka një kërcënim direkt kundër Danimarkës, por aleanca do të përballej me sulme hibride në përpjekjet e moskës për të destabilizuar një vend anëtar. “Rusia me gjasë e ka vullnetin për ta bërë këtë. Tani ata munden edhe të kenë aftësinë dhe kapacitetin ushtarak të nevojshëm për ta bërë këtë, madje më shpejt nga sa ne e prisnim. Ka arsye për të qenë të shqetësuar”, tha ministri