Shefi i Kremlinit, Vladimir Putin, ka hedhur poshtë si krejt të pakuptimta deklaratat e bëra nga presidenti amerikan Joe Biden, sipas të cilave rusia do të sulmojë një vend të NATO-s nëse fiton luftën në ukrainë, duke shtuar se rusia nuk ka asnjë interes të luftojë me aleancën ushtarake të NATO-s. Lufta në ukrainë ka shkaktuar krizën më të thellë në marrëdhëniet e moskës me perëndimin që nga kriza e raketave kubane në 1962 dhe biden paralajmëroi vitin e kaluar se një konfrontim direkt mes NATO-s dhe Rusisë do të shkaktonte luftën e tretë botërore. Në një apel drejtuar republikanëve për të mos bllokuar ndihmat e mëtejshme ushtarake, më herët këtë muaj, Biden paralajmëroi se nëse Putin do dilte fitimtar në ukrainë, atëherë lideri rus nuk do të ndalej dhe do të sulmonte një vend anëtar të NATO-s.