Rusia tha të enjten se vendimi i gjykatës boshnjake që i ndalon presidentit separatist serb të Bosnjës të kryejë poste politike për shkak se nuk i është bindur urdhrave të të dërguarit ndërkombëtar të paqes, e ka vënë në rrezik ekzistencën e Bosnjës dhe Hercegovinës si një vend i bashkuar. Komisioni zgjedhor i Bosnjës vendosi të mërkurën të shkarkojë Milorad Dodik nga detyra, pasi një gjykatë apeli javën e kaluar mbështeti një vendim që e dënonte atë me një vit burg dhe e ndalonte të merrej me politikë për gjashtë vjet. Dodik, një nacionalist pro-rus me lidhje të ngushta me presidentin rus Vladimir Putin, prej kohësh ka mbështetur shkëputjen e rajonit të dominuar nga serbët nga Bosnja si dhe ka vepruar për të bllokuar integrimin e këtij shteti në Bashkimin Evropian dhe NATO. Në përgjigje të vendimit të gjykatës, ambasada ruse tha se "vendimi i politizuar" u mor nën presionin e vendeve perëndimore, të cilat përdorën agjencitë ligjvënëse për të "shkatërruar kundërshtarët e tyre".