Rusia planifikon të përdorë armë kimike për të ‘fshirë’ ushtarët ukrainas dhe civilët e bllokuar në impiantin e celikut Azovstal, në Mariupol, në mënyrë që të evitohet humbja mes trupave ruse – tha ministria ukrainase e mbrojtjes. Njerëzit e Vladimir Putinit po planifikojnë të hedhin bomba dhe raketa, që mbajnë substanca toksike mbi ata që po sfidojnë thirrjet e Moskës për tu dorëzuar – thotë zbulimi Ukrainas. Njësitë ruse nga trupat mbrojtëse kimike e biologjike në të njëjtën kohë, do të përdorin aerosolët për të përhapur armët kimike – tha shefi i drejtorisë së inteligjencës në ministrinë ukrainase të mbrojtjes. Armët kimike mund të përdoren kundër njerëzve në territorin e fabrikës Azovstal – tha ministria. “Sipas informacioneve më të fundit, rusët mund të angazhohen në të ashtuquajturën ‘fshirje’ të mbrojtësve ukrainas dhe civilëve nga ambjentet e fabrikës në mënyrë që të evitojnë viktimat mes trupave të tyre”. Më herët këtë muaj, raporte të paverifikuara nga regjimenti Azov në Mariupol, sugjeruan se rusia kishte përdorur armë kimike. Regjimenti tha se një substancë helmuese me origjinë të panjohur, duke shkaktuar probleme me frymëmarrjen”. Paralajmërimi i fortë vjen ndërsa ministria ruse e mbrojtjes njoftoi një armëpushim rreth Azovstalit dhe pretendoi se do të lejonte civilët të largoheshin që andej por në fakt asgjë e tillë nuk ndodhi dhe fabrika u vu nën bombardime e sulme ajrore.