Avokatët Isuf Shehu dhe Ardian Visha i bënë thirrje qeverisë dhe ministit Ulsi Manja të mos ekstradojnë në Rusi shtetasin rus Igor Kokunov, i cili prej 1 viti mbahet në paraburgim në Shqipëri. 60 vjecari rus prej një viti mbahet në qeli, pasi akuzohet nga autoritetet ruse për kryerjen e veprës penale “zënia e pozitës së lartë në hierarkinë kriminale”, parashikuae nga Kodi Penal i Rusisë. Sipas mbrojtes ligjore të rusit, shpallja e tij në kërkim është firmosur nga prokurori i përgjitshëm i Rusisë, i cili është shpallur non grata nga organizatat ndërkombëtare, ku bën pjesë edhe Shqipëria. Pak ditë më parë, Gjykata e Lartë la në fuqi vendimin e Apelit për ekstradimin e tij drejt Rusisë. Kokunov u arrestua në muajin shtator të vitit 2023 në pikën e kalimit kufitar Muriqan, gjatë një operacioni policor të koduar “Moscow”.