Autoritetet rumune shpallën gjendje alarmi në dy rajone në lindje të vendit pasi rrezikojnë përmbytjet ndërsa urdhëruan dhe evakuimin e banorëve. I gjithë territori pritet të përfshihet nga shirat e rrëmbyeshëm dhe errat e forta këtë të dileë. Zyrtarët, sipas Radio Evropa e Lirë, paralajmëruan se rreziqet janë rritur për shkak të bllokimit të rrugëve të ujit dhe dëmtimeve të tjera nga përmbytjet vdekjeprurëse që goditën Rumaninë dhe një pjesë të madhe të Evropës Qendrore më herët këtë muaj, kur stuhia Boris përmbyti zonat e ulëta. Kontet verilindore të Rumanisë, Galati dhe Vaslui, përgjatë lumit Danub, sërish përballen me rreziqe të mëdha, pasi parashikohet një stuhi e re për këtë javë. "Asnjë person nuk duhet të qëndrojë në zonat e rrezikut", njoftoi këshilli bashkiak i Galatit ndëra urdhëroi që shkollat dhe ndërtesat e tjera jashtë zoave të rrezikuara nga përmbytjet të bëhen gati për të pritur personat e evakuuar. Përmbytjet nga stuhia Boris kanë vrarë gjashtë persona në Galati dhe kanë dëmtuar mijëra shtëpi. Njëzet njerëz të tjerë kanë humbur jetën në përgjithësi, përfshirë në Republikën Çeke, Poloni dhe vende të tjera.