Rruga e Arbërit po merr formën e shumëpritur. Edhe pse për shkak të pandemisë, ka patur disa ndalesa të punës gjatë muajit mars dhe vonesa në furnizimin me bazën materiale, po punohet intensivisht për të bërë të mundur një ëndërr të mijëra banorëve të qarkut të Dibrës. Rruga e Arbrit është një ndër investimet strategjike në infrastrukturë pasi ajo lidh Tiranën me Dibrën, duke shkurtuar ndjeshëm kohën e udhëtimit që sot zgjat më shumë se 5 orë. Rruga e Arbrit konsiderohet më e rëndësishmja ne verilindje. Ajo po ndërtohet përmes partneritetit publik privat dhe punimet janë marrë përsipër nga kompania gjoka konstrakshën.