200 euro minimum jetik e pension minimal, si dhe page minimale 500 euro, këto janë premtimet që kreu I PD Sali Berisha, zotohet t’I përmbushë. Por përballë premtimeve, a është e mundur një gjë e tillë dhe ku do të gjenden paratë për realizimin e këtij program. SINK Autostrada Levan-Vlorë, më e gjera në Shqipëri dhe dy ura shumë të mëdha në Vjosë është ndërtuar me 2.8 milionë euro kilometri. Kurse ky, rrugën 20 milionë euro kilometrin. Unazën e Tiranës, e merr dhe e ndan. Unaza e Tiranës, 13 kilometra ndahet në 14 copa, 14 kontrata, 14 kontraktime. Po pse? Për të vjedhur 14 herë. Pra, a janë lekët? Lekët janë absolutisht, por lekët vidhen. …kryeministri nuk mund të fluturojë me avion, të shpenzojë 21 milionë euro për 2 vite. Jo. Do udhëtojë kryeminsitri me linja ajrore tregtare si të gjithë qytetarët dhe do harxhojë as 1/50 e këtij harxhimi. Nuk mund të vendosen në oborrin e Kryeministrisë, nuk e ka asnjë kryeministri në botë atë. Vetëm po ta ketë Sulltani i Bruneit, po këto qeveritë e demokracisë, të vendoset Kopshti i Edenit 5 milionë euro se do dalë ai të zbresë dhe të hypë shkallët midis vazove të luleve. Deklarata e Berishës u bë gjatë një takimi me banorë të njësisë 8 në kryeqytet, ku premtoi legalizim të ndërtimeve të tyre.