Ka shënuar një rritje tjetër numri i të infektuarve me koronavirus në shqipëri. Ministria e shëndetësisë raportoi se 13 persona rezultuan pozitivë 24 orët e fundit, një shifër kjo që ndonëse e ulët, shënon rritje të lehtë krahasuar me ditët e fundit. Një ditë më parë, ministria e shëndetësisë raportoi 7 raste të reja. Në 24 orët e fundit, sipas njoftimit, u kryen 2007 testime dhe 13 rastet janë të ndara në qytetet e Lushnjes, Korcës, Elbasanit, Rrogozhinës, Fierit, Tropojës, Gjirokastrës dhe roskovecit. Lajmi i mirë është se nuk është regjistruar asnjë viktimë ndërkohë që në të gjithë vendin janë aktualusht 66 raste aktive. Në spitalin infektiv po marrin trajtim spitalor 3 pacientë ndërkohë që 24 orët e fundit janë shëruar 2 qytetarë. Nga njoftimi i radhës i ministrisë së shëndetësisë, shihet se është zgjeruar harta e qarqeve të prekura nga covidi. Kukësi dhe gjirokastra kanë regjistruar sërish të infektuar edhe pse nuk kishte asnjë rast prej ditësh. Aktualisht, vetëm Dibra dhe Berati nuk kanë asnjë të infektuar me koronavirus. Ndërkohë ministria e shëndetësisë dhe mbrojtjes sociale ka vendosur në gadishmëri të gjitha strukturat në terren për shkak të shqetësimit nga varianti Delta, që tani e ka rrethuar vendin tonë. Këto struktura po ndjekin me kujdes situatën për identifikimin e varianteve të reja si edhe për izolimin në kohë të cdo rasti të dyshuar. Më herët, Instituti i Shëndetit publik konfirmoi se në vendin tonë nuk ka asnjë rast të dyshuar me variantin Delta e madje nuk ka as ndonjë sinjal për praninë e këtij varianti. Edhe vendet fqinje në rajonin e ballkanit kanë regjistruar këto kohë një rritje të lehtë të rasteve, duke shtuar frikën për një rikthim të virusit.