Zëvendëspresidenti amerikan JD Vance paralajmëroi kundër "rregullave të tepërta" mbi inteligjencën artificiale në një samit në Paris mbi teknologjinë, duke i tërhequr vëmendjen si aleatëve evropianë ashtu edhe rivalëve si Kina, kundër shtrëngimit të masave të kontrollit nga qeveritë. "Rregullimi i tepruar i sektorit të Inteligjencës Artificiale mund të vrasë një sektor transformues që po ngrihet," u tha Vance liderëve globalë dhe shefave të industrisë së teknologjisë në rrethinat e pasura të Grand Pales-ë, në kryeqytetin francez. Ai veçoi Aktin e Shërbimeve Dixhitale të Bashkimit Evropian duke e kritikuar për "rregulloret masive që krijoi për heqjen e përmbajtjes dhe kontrollimin e të ashtuquajturave dezinformata" që sipas tij vendosin një barrë të padrejtë për gjigantët e teknologjisë amerikane.