Kryeministri britanik Keir Starmer humbi dy ndihmës të ngushtë të tij, ndërsa kriza politike për shkak të lidhjeve të Peter Mandelson me autorin e dënuar të krimeve seksuale Jeffrey Epstein kërcënon t'i japë fund udhëheqjes së tij 18 muaj pas fitores dërrmuese zgjedhore të Partisë Laburiste. Drejtori I komunikimit, Tim Allan, dha dorëheqjen të hënën, një ditë pasi ndihmësi kryesor I Starmer, Morgan McSëeeney bëri të njëjtën gjë për shkak të rolit të tij në mbështetjen e Peter Mandelson. McSëeeney tha të dielën se merrte "përgjegjësinë e plotë" për këshillimin e Starmerit për të emëruar Mandelson si ambasador të Mbretërisë së Bashkuar në Shtetet e Bashkuara në dhjetor 2024. "Vendimi për të emëruar Peter Mandelson ishte i gabuar. Ai ka dëmtuar partinë tonë, vendin tonë dhe besimin tek politika", tha McSëeeney në një deklaratë. Strategu 48-vjeçar ishte arkitekti i triumfit zgjedhor të Partisë Laburiste në korrik 2024 dhe këshilltari më i ngushtë politik i Starmer që kur ai u bë udhëheqës i partisë në vitin 2020. Largimi i tij e lë Starmerin më të dobësuar, ndërsa udhëheqësit e opozitës kërkojnë dorëheqjen e tij dhe deputetët e Partisë Laburiste vënë në pikëpyetje nëse ai mund të mbijetojë në detyrë. Pas publikimit të fundit të 3 milion faqeve dokumente që lidhen me Epstein nga Departamenti Amerikan i Drejtësisë, dolën detaje të reja rreth marrëdhënies së Mandelson me financierin e ndjerë që u dënua për abuzim seksual me fëmijë, dhe që vdiq në burg në vitin 2019. Dosjet përfshijnë email-e që sugjerojnë se Mandelson ndau informacione qeveritare të ndjeshme me Epstein në vitin 2009, ndërsa shërbente si sekretar biznesi gjatë krizës globale financiare nën kryeministrin e atëhershëm Gordon Broën. Dokumentet gjithashtu tregojnë pagesa të dyshuara me vlerë totale prej 75,000 dollarësh nga Epstein në llogari të lidhura me Mandelson ose partnerin e tij në vitet 2003 dhe 2004.