Liderja e opozitës venezueliane, María Corina Machado, ka akuzuar autoritetet për rrëmbimin e politikanit opozitar Juan Pablo Guanipa, vetëm disa orë pasi ai ishte liruar nga paraburgimi.Sipas Machado, Guanipa u mor me forcë në lagjen Los Chorros të kryeqytetit Karakas nga persona të armatosur rëndë, të veshur civilë, të cilët mbërritën me disa automjete.Partia e tij, Justice First, thotë se rrëmbimi u krye nga “forcat represive të diktaturës”, ndërsa personave që e shoqëronin u drejtuan armë përpara se ai të futej me forcë në një makinë.Partia opozitare mban përgjegjës drejtuesit më të lartë të shtetit, përfshirë presidenten e përkohshme Delcy Rodríguez, kryetarin e Asamblesë Kombëtare Jorge Rodríguez dhe ministrin e Brendshëm Diosdado Cabello, për çdo dëm ndaj jetës së Guanipës.Vetëm pak orë përpara ngjarjes së rëndë, djali i tij kishte festuar lirimin e të atit në rrjetet sociale. Më psas, ai kërkoi publikisht prova se ai ishte ende gjallë, duke fajësuar regjimin për çdo gjë që mund t’i ndodhë.Juan Pablo Guanipa kishte kaluar tetë muaj në burg dhe ishte një nga të paktën 30 të burgosurit politikë të liruar së fundmi, sipas organizatës Foro Penal.Opozita dhe organizatat për të drejtat e njeriut akuzojnë prej vitesh qeverinë venezueliane për përdorimin e arrestimeve politike për të shtypur kundërshtarët dhe për t`i detyruar kritikët të heshtin.