Tani ne e dijmë se si një lazer tingëllon në një botë tjetër. Roveri Perseverancë i agjencisë hapësinore amerikane, ka dislokuar instrumentin e tij SuperCam, në mars, për të parën herë. Ai mund të indentifikojë shkëmbinjtë në distancë dhe është një teknikë që nasa e ka përdorur edhe në një tjetër rover më parë, Curiosity. Por, perseverancë ka disa përmirësime, përfshirë një mikrofon që i lejon shkencëtarët të dëgjojnë punën e lazerit të saj. Ky nuk është një element i cfarëdoshëm, por ofron informacione shtesë të dobishme për shkencëtarët. Tingulli i lazerit që gdet shkëmbinjtë ofron informacione për dendësinë dhe fortësinë e objekteve që janë nën vëzhgim. Zyrtarët e nasa-s thanë në një konferencë për shtyp se ishin lëhsuar tre tinguj të ndryshëm, që ishin regjistruar edhe nga mikrofoni SuperCam. Njëri ishte tingulli i përgjithshëm i marsit, i dyti ishte zhurmë ere dhe i treti ishte ai nga lazeri në veprim. Perseverancë u ul në kraterin Jezero në Mars më 18 shkurt për të kërkuar atje prova të jetës së shkuar. Krateri konsiderohet një lokacion i shkëlqyer për një përpjekje të tillë pasi atje ka ekzistuar një liqen miliarda vite më parë dhe nëse ka patur ujë mund të ketë patur edhe jetë po ahstu.