Shkencëtarët që kanë krijuar xenobotët, robotët e parë të gjallë në botë, thonë se ato forma jete janë të parët e këtij lloji që mund të riprodhohen. Organizmat e vegjël u zbuluan fillimisht në 2020-ën. Robotët janë krijuar me qeliza staminale nga zemra dhe lëkura e një bretkose afrikane. Ata mund të lëvizin në mënyrë të pavarur për rreth një javë para se të harxhojnë energjinë, mund të vetë shërohen dhe të ndahen në mënyrë natyrale. Shkencëtarët nga universiteti i Vermontit, Tufts university dhe ai i Harvardit, publikuan të hënën një studim në të cilin thonë se kishin zbuluar një lloj të ri riprodhimi biologjik, të ndryshëm nga ai i cdo bime apo specieje kafshësh të njohur deri më tani. “Njerëzit kanë menduar për shumë kohë se kanë njohur të gjitha mënyrat se si jeta mund të riprodhohet ose shumëfishohet. Por kjo është dicka e paparë më herët”, tha Dagllas Blakiston, shkencëtar në universitetin Tufts. Shkencëtarët thonë se kërkimi i ri mund të ketë përfitime në kuptimin e përdorimit në fushën mjekësore.