Pas propozimit të Kryeministrit Rama në mbledhjen e grupit parlamentar të PS, për amendamenin e Kodit të Procedurës Penale që u paraqit më 16 shkurt, ka reaguar për Top Neës, Komisioni Europian duke theksuar se “Retorika që mbjell mosbesim publik ndaj gjyqësorit dhe ndaj pavarësisë, paanshmërisë dhe integritetit të sistemit gjyqësor dhe atij të prokurorisë është joproduktive.” Një mesazh të qartë Komisioni Europian e ka dhe për rastin e imunitetit të Belinda Ballukut. “Siç është theksuar edhe më parë, është përgjegjësi e Kuvendit të Shqipërisë që të trajtojë pa vonesë kërkesat për heqjen e imunitetit të anëtarëve të tij. Lufta efektive kundër korrupsionit është me rëndësi thelbësore për përparimin e Shqipërisë drejt anëtarësimit në BE”, thotw KE. KE thotë me tej se Bashkimi Europian po monitoron nga afër çdo nismë legjislative që lidhet me gjyqësorin, duke sqaruar se ajo duhet të jetë në përputhje me acquis të BE-së dhe me standardet europiane.