Samsung Electronics njoftoi rënie rekord fitimesh, për herë të parë që nga kriza financiare e vitit 2009. Kompania koreano-jugore tha se shifrat paraprake treguan se fitimet operative ranë me gati 500 milionë dollarë në tre muajt e parë të këtij viti. Si përgjigje, Samsung tha se do të ulë prodhimin e çipave të memories, pasi vlerësoi se shitjet e çipave kanë pësuar rënie të fortë për shkak të uljes së kërkesës globale pas Covid. Megjithë raportimit negativ të fitimeve, aksionet e Samsung në bursë u rritën me më shumë se 4 për qind. Kërkesa për çipa u rrit gjatë karantinës pasi konsumatorët blenë më shumë pajisje elektronike gjatë qëndrimit të izoluar nëpër banesa. Analistët thonë se njoftimi i kompanisë për një ulje të prodhimit është i rrallë. Muajin e kaluar, ajo njoftoi planet për të investuar 30 miliardë dollarë në 20 vjet për të zhvilluar një qendër gjysmëpërçuesish në Korenë e Jugut. Samsung është prodhuesi më i madh në botë i televizorëve, tabletave dhe telefonave inteligjentë.