Një operacion ndërkombëtar i koduar “NEIKEA” është zhvilluar në të njëjtën kohë në Itali dhe Shqipëri, nga Policia e të dy shteteve, ku u shkatërrua një organizatë që merrej me trafikun e kokainës në Milano, Itali dhe në Shqipëri. Sipas policisë, gjatë operacionit janë arrestuar në Tiranë dhe në Laç, me qëllim ekstradimin në Itali të katër shtetasve. Tre prej tyre banues në Tiranë dhe një në Lac. Nëpërmjet një njoftimi zyrtar të policisë bëhet e ditur se janë ekzekutuar 12 urdhër-arreste të lëshuara nga Prokuroria pranë Gjykatës së Milanos nëItali, për shtetas italianë dhe shqiptarë të akuzuar për veprën penale “Organizatë kriminalë, më qëllim trafikun ndërkombëtar të drogës”. Operacioni “NEIKEA” ka nisur që nga viti 2016 nga Policia e Milanos dhe kishte për qëllim goditjen e organizatës kriminale që drejtohej nga shtetasi italian Luca Guerra që merrej me shitjen e kokainës në Balsamo/Milano. “Shtetasi Luca Guerra është arrestuar më 2016 dhe drejtimin e organizatës kriminale e mori shtetasi Giuseppe Sanfilipo, I cilia pak muaj më pas ran ë prangat e policisë për tentativë vrasje.