Regjistrimet për nxënësit në klasat e para dhe të dhjeta do të jenë të hapura në platformën e-Albania deri në datën 1 shtator. Ndërkohë prej datës 25 gusht ka filluar shpërndarja e librave për nxënësit e sisemit parauniversitar. Rreth 236 mijë nxënës në të gjithë vendin do të përfitojnë tekstet shkollore falas. Për këtë program janë vendosur në dispozicion nga buxheti i shtetit nëntë milionë euro, për të garantuar që nxënësit nga klasa e parë deri në të nëntën të përfitojnë librat falas. Në këtë program përfshihen edhe disa kategori specifike të gjimnazistëve, të cilët kanë pamundësi sociale dhe ekonomike për t’u pajisur me tekstet shkollore.