Një 20-vjeçar ka rënë në prangat nga shërbimet e Komisariatit të Policisë Vorë në kuadër të operacionit policor të koduar ‘Street’. I riu me iniciale G.T. u vu në pranga si rezultat i kontrolleve të kryera në bazë të informacioneve të siguruara nga inteligjenca policore. Sipas njoftimit zyrtar të policisë, në aksin rrugor “Fushë Krujë-Vorë”, i është bërë shenjë ndalimi automjetit tip “Benz” që drejtonte 20-vjeçari dhe ku ishte pasagjer shtetasi me iniciale O. X. Gjatë kontrollit në automjet, nën sediljen e 20-vjeçarit, është gjetur 1 armë zjarri pistoletë. Sakaq, pasagjeri, shtetasi me iniciale O. X. dyshohet se kishte dijeni për amën dhe nuk ka kallëzuar. Në kuadër të operacionit u procedua në gjendje të lirë edhe pasagjeri, për moskallëzim të krimit. Të dy të rinjtë ishin banues në Laç. Policia ka sekuestruar armën e zjarrit pistoletë, ndërsa materialet procedurale iu referuan Prokurorisë së Tiranës, për veprime të mëtejshme.