Një dokument i plotë është hartuar nga autoritetet shqiptare për të gjithë personat që do të pranojnë ose do të refuzojnë të kryejnë vaksinën kundër COVID19. Në këtë formular, në pikën e dytë, theksohet se ata që nuk pranojnë vaksinën mund të kenë pasoja dhe përgjegjësi në rast se infektojnë të tjerë pasi të sëmuren vetë. Një mësues apo qytetar që do të refuzojë vaksinën “AstraZeneca” duhet të argumentojë mirë pse e refuzon atë. Në faqen e parë, personi pyet nëse pranon ose jo, ndërsa në një faqe të veçantë ai njihet me pasoja e veprimit të tij. “Pasojat e refuzimit tim për t’u vaksinuar ndaj COVID-19 mund të kenë efekte kërcënuese për shëndetin dhe jetën, për mua dhe personat me të cilët unë kam kontakt, përfshirë këtu: të gjithë personat në institucionin shëndetësor ku unë shërbej, bashkëpunëtorët e mi, familjarët e mi, komunitetin ku unë jetoj”,-thuhet në këtë formular. Ndërrimi i mendjes për qytetarin ka nje pike te percaktuar ne formula, ku shkruhet; “E kuptoj që mund të ndërroj mendim në çdo kohë dhe të pranoj vaksinimi, nëse do të ketë ende gjendje të vaksinës ndaj COVID-19”, thuhet në fund të formularit të gjatë.