I parashikuar për tu hapur në fillim të muajit gusht, kampi I Gjadrit sipas medies italiane ‘La Republica’, do të hapet më 1 shtator. Sipas po kësaj medie, më 20 gusht pritet mbërritja e kontigjentit italian që do të menaxhojë qendrat e emigrantëve në Gjadër, teksa për këta të fundit duket se në trajnim u është dhënë edhe një manual për sjelljen me shqiptarët. Në dokumentin e publikuar nga media italiane mbi trajnimin që iu është bërë personave që do të menaxhojnë burgun prej 20-vendesh për emigrantët në Gjadër, përcaktohet edhe mënyra se si do të vishen punonjësit dhe deri te pirja e kafesë. Një vend të rëndësishëm zënë këshillat për sjelljen me gratë shqiptare, duke mos bërë komplimente apo sjellje që mund të ngjallin reagimin e ashpër të burrave. Aty thuhet se vendi është shumë i sigurtë dhe nuk ka krime si si vjedhje, ngacmime seksuale etj. - Shqiptarët nuk duan të nënvlerësohen, ndaj mos u sillni kurrë me një qasje superioriteti. - Është një popull modest, kështu që nudizmi apo veshja e papërshtatshme në publik nuk janë të mirëpritura.