Ministrja e Financave dhe Ekonomisë, Delina Ibrahimi doli në një konferencë për shtyp, ku sqaroi edhe detajet e zbatimit të reformës së pagave të administratës publike, të miratuar në Kuvend më 25 maj. Duke nënvizuar kohën e shkurtër për implementimin e saj, ministrja Ibrahimi tha se është vendosur që të procedohet me nivelin e vjetër të pagave edhe për muajin maj, teksa sqaroi se shumë shpejt do të instruktohen institucionet, për shpërndarjen e shtesave. Ministrja e Financave dhe Ekonomisë theksoi se reforma e pagave në administratën publike ka ardhur në kohën e duhur dhe se do të ketë impakt të padiskutueshëm edhe në nivelin e pagave, në sektorin privat.