KFOR po tërhiqet nga ura mbi lumin Ibër në Mitrovicë, duke përmendur një një “përmirësim të situatës së sigurisë”. karabinierët italianë kanë hequr tendat e tyre për herë të parë pas shumë vitesh, larguan përkohësisht të gjithë pikën e kontrollit të KFOR-it. Largimi I tyre shënoi fillimin e një tërheqjeje graduale të pranisë së përhershme të trupave të KFOR-it, misionit ushtarak ndërkombëtar të udhëhequr nga NATO, i i vendosur në Kosovë që nga përfundimi i luftës në vitin 1999. Arsyeja e largimit të ushtarëve të KFOR është për shkak të “përmirësimit të situatës së sigurisë në Kosovë”, megjithëse trupat mund të rikthehen në terren nëse zhvillimet e ardhshme e kërkojnë këtë. Sakaq, KFOR ka konfirmuar për DË, se prania do të vijojë e fuqishme në Mitrovicën e Veriut dhe në gjithë veriun e Kosovës, duke vazhduar të kontribuojë për ruajtjen e një mjedisi të sigurt për të gjitha komunitetet. Ende nuk dihet nëse do të jetë Policia e Kosovës që do ta marrë përsipër sigurimin e urës që ndan Mitrovicën e Jugut nga ajo e Veriut, një vend që prej dekadash ka qenë skenë e konflikteve dhe tensioneve ndëretnike.