Ndërsa zjarret kanë përfshirë pjesë të mëdha të perëndimit të shteteve të bashkuara, një lloj unik resh të mëdha stuhie është formuar në qiej. Zjarrfikësit dhe shkencëtarët po raportojnë re të mëdha që ngrihen për 1.6 km mbi flakët në kaliforni dhe shtetet përreth. Këto re, të quajtura ‘re zjarri’ mund të prodhojnë uraganë dhe rrufe, që mund të gjenerojnë akoma më shumë zjarre. Bëhet fjalë për zjarre të mëdha e që përhapen shpejt, aq të fuqishëm sa që të krijojnë sistemet e tyre të motit, të ngjashme me stuhitë. Dhe për shkak të egërsisë së tyre, ata janë thuajse të pamundur të luftohen. Në disa kushte të caktuara atmosferike, zjarret mund të mbushin një zonë të gjerë me aq shumë energji sa që të gjenerojnë retë e zjarrit. Nasa i quan këto ‘re dragua që lëshojnë zjarr’ për shkak se ato e thithin tymin si një oxhak duke e lëshuar atë në atmosferën e tokës, ndërsa lëshojnë poshtë stuhi, erë dhe shi...Zakonisht, zjarret shpërndahen nga era, por një vatër masive zjarri mund të mbajë aq shumë fuqi sa që tymi i saj nuk përhapet anash, por formon një re që ngrihet deri në 15 km në qiell. E për shkak se tymi mban nxehtësi dhe lagështi, kur ajo prek stratosferën, mund të kondensohet dhe të formojë re. Këto të fundit formohen pasditeve, kur zjarri është edhe më përvëlues.