Kryeministri Edi Rama pasi njoftoi ftesën e Presidentit Trump për Bordin e Paqes, ka ndarë këtë të dielë dhe letrën që ka marë nga kreu I shtëpisë së Bardhë, ndërsa e falenderon për privilegjin e besimit që I ka dhënë. Rama ndau në Facebook letrën ku zotohet se do të bëjë gjithçka për ta lartësuar emrin e Shqipërisë dhe dinjitetin e shqiptarëve. Në letrën e dërguar presidenti Trump e fton Ramën që t’I bashkohet asaj që ai e quan një përpjekje historike dhe Madhështore për forcimin e Paqes në Lindjen e Meshme dhe njëkohësishyt në marrjen e një qasje të re plot guxim për zgjidhjen e Konfliktit global. “Më 29 shtator 2025, shpalla Planin Gjithëpërfshirës për fundin e konfliktit në Gaza, një plan veprimi me 20 pika, i mbështetur menjëherë nga të gjithë Udhëheqësit Botërorë, përfshirë edhe Krerët kryesorë në Botën Arabe, Izrael, dhe Europë. Në vijim të këtij Plani, më 17 Nëntor, Këshilli i Sigurimit i Kombeve të Bashkuara miratoi me shumicë mbizotëruese Rezolutën 2803, duke mirëpritur dhe mbështetur këtë plan.