Kryeministri Edi Rama është nisur në Ëashington, në përgjigje të ftesës së Presidentit të SHBA-ve Donald J.Trump për të marrë pjesë në themelimin zyrtar të Bordit të Paqes dhe për fillimin e aktivitetit të këtij Bordi, ku Shqipëria do të jetë shtet themelues. Kryeministri Rama u shpreh pak ditë më parë, se Shqipëria nuk do të kontribuojë me para për t’u anëtarësuar apo për të qëndruar si anëtare e përhershme. Bordi i Paqes i iniciuar nga Presidenti i SHBA-ve Trump synon forcimin e Paqes në Lindjen e Mesme dhe, njëkohësisht, të ndërmarrjes së një qasje të re për zgjidhjen e Konfliktit Global. Edhe Kosova do të marrë pjesë në ceremoninë zyrtare të themelimit të Bordit të Paqes, ku do të përfaqësohet nga presidentja Vjosa Osmani. Bordi i Paqes u themelua më 22 janar në Davos të Zvicës dhe ka 27 anëtarë. Themelimi i Bordit është parashikuar në planin 20-pikësh të presidentit Trump për paqe në Gazë, që është pranuar nga Izraeli dhe Hamasi,organizatë e shpallur terroriste nga Shtetet e Bashkuara dhe fuqitë e tjera, në tetor të vitit 2025.