‘Paturpësi mbresëlënse’ e ka konsideruar kryeministri Edi Rama kërkesën e mjekëve për legjitimitet të korrupsionit. I ndalur këtë të enjte për të hedhur gurin e themelit të marternitit të ri “Mbretëresha Geraldinë”, Edi Rama ka komentuar protestat e bluzave të bardha të vetëm pak ditëve më parë, të cilët nuk kërkonin rritje pagash apo përmirësim kushtesh, por legjitimitet të dhënies së korrupsionit. "Një mjek që kërkonte legalizimin e ryshfetit. Është vërtet mbresëlënës për nga niveli i kurajos dhe për nga paturpësia e propozimit. Patjetër që niveli i shpërblimit të mjekëve duhet rritur dhe ne do ta rrisim. Të thuhet që ka ardhur koha të legalizojmë ryshfetin është vërtet një mesash kuptimplotë për domosdoshmërinë e lëvizjes antikorrupsion në të gjithë sistemin tonë shtetëror që ka filluar të ndihet edhe më thellë.”