Kryeministri Edi Rama u ka bërë thirrje sërish naftëtarëve të Ballshit që të ndalojnë grevën e urisë. Kreu I qeverisë shprehet se problem nuk zgjidhet me presion por me bisedime. ‘Naftëtarët duhet të dalin nga greva që të bisedojmë për të mos i lënë vetëm në këtë hall që as e ka shkaktuar qeveria, as zgjidhet me presion e me ultimatume! Ne nuk kemi shkop magjik, po kemi gjithë vullnetin të lehtësojmë situatën. Me logjikë dhe solidaritet si një familje’, shkruan Rama në një status në rrjetet sociale. Protesta e naftëtarëve të Ballshit në formën e grevës së urisë ka hyrë në ditën e 24-t. Naftëtarët që e nisën grevën, pa rëndëimit të gjendjes së tyre shëndetësore, e ndërprenë atë, por tashmë në vend të tyre kanë hyrë gratë. Dita e sotme është e 7-ta që gratë e naftëtarëve po vazhdojnë grevën e urisë. Ato kanë deklaruar se kërkojnë një zgjidhje nga qeveria për pagat e prapambetura dhe rifillimin e punës në rafinerinë e naftës në Ballsh.