Kryeministri Edi Rama u takua me presidentin ukrainas, Volodymyr Zelensky gjatë takimit në Moldavi ku po mbahet samiti i dytë i komunitetit politik europian. Presidenti Zelensky përgëzoi mbështetjen e Shqipërisë si dhe përshëndeti mbështetjen e Tiranës zyrtare ndaj sanksioneve kundër Rusisë. "Në Moldavi, në samitin e dytë të Komunitetit Politik Evropian, u takova me Kryeministrin e Republikës së Shqipërisë Edi Rama dhe Kryeministrin e Republikës së Maqedonisë së Veriut Dimitar Kovacevski. Falënderova liderët për mbështetjen e tyre të vazhdueshme dhe gjithëpërfshirëse ndaj Ukrainës dhe ndihmën e dhënë për luftën kundër agresionit rus, veçanërisht për mbështetjen e vendeve të Ballkanit për të gjitha paketat e sanksioneve të BE-së kundër Rusisë” Rama ndodhet mes liderëve të 47 vendeve europiane në Moldavi ku po diskutohet për idenë e presidentit francez Emmanuel Macron për komunitetin politik europian. Kjo ide hodhi themelet më 6 tetor të vitit të kaluar dhe synon afrimin e vendeve jo anëtare me Bashkimin Europian, pa lënë pas procesin e integrimit.