Kryeministri Edi Rama ndau me ndjekësit në rrjetet sociale pamje nga takimet në Moldavi gjatë punimeve të samitit të Komunitetit Europian. Sipas pamjeve të ndara nga Kryeministri, ai ka zhvilluar një bisedë edhe me Presidentin serb, Aleksandër Vuçiç, ku në tryezë janë edhe presidentja e KE, Ursula von der Leyen, kryeministri holandez, Mark Rutte dhe ai i Maqedonisë së Veriut, Dimitar Kovaçevski. Në shënimin shoqërues, Rama thotë se gjatë bisedës ka kërkuar që t’i jepet fund absurdit kërcënues në veri të Kosovës dhe të shkohet drejt marrëveshjes finale mes Kosovës e Serbisë.