Kryeministri Rama ka reaguar nëpërmjet Tëitterit në lidhje me takimin e fundit të Bashës me eurokomisioneren për Arsimin. Kreu I qeverise e ka cilësuar këtë takim si një ndërhyrje në punët e brendshme të Shqipërisë, si dhe fton KE që të mos shpenzojë paratë e taksapaguesve europianë. "Dikush në Bruksel duhet t'u thotë komisionerëve që harxhojnë kohën e punës së paguar nga taksat e popujve të Europës, për të bërë videomuhabete elektorale me Lulëzim Bashën, se kjo quhet ndërhyrje në fushatën e brendshme elektorale të një vendi kandidat për në BE! Në dijeninë time Komisioni Europian nuk e ka zakon të fusë hundët në fushatat elektorale dhe unë pres ta mësoj zyrtarisht e publikisht nga Brukseli, nëse e kam unë gabim e ndoshta komisionerët kanë vërtetë të drejtë të bëhen palë kur popujt e Europës zgjedhin qeveritë e tyre!", shprehet Rama. Më herët në kuadër të programit “Shqipëria fiton arsimin”, kryetari i Partisë Demokratike Lulzim Basha dhe ekipi i tij i ekspertëve prezantuan platformën e arsimit online dhe trajnimin profesional për shqiptarët.