Rusia dhe Ukraina akuzuan njëra-tjetrën të mërkurën për kryerjen e sulmeve ajrore që shkaktuan zjarre dhe dëmtuan infrastrukturën vetëm disa orë pasi udhëheqësit e tyre ranë dakord për një armëpushim të kufizuar për të ndaluar sulmet mbi infrastrukturën energjetike. Putin ra dakord të ndalonte përkohësisht sulmet ndaj objekteve energjetike të Ukrainës, por nuk pranoi të miratonte një armëpushim të plotë 30-ditor të kërkuar nga Presidenti i SHBA Donald Trump në një bisedë telefonike me liderin rus të martën. Presidenti i Ukrainës, Volodymyr Zelenskiy, kishte rënë dakord më herët me propozimin e SHBA-së për një armëpushim 30-ditor dhe më vonë mbështeti edhe armëpushimin e kufizuar për objektivat e energjisë. Por pasi Rusia nisi sulmet e saj ajrore herët të mërkurën, Zelenski i kërkoi botës të bllokojë çdo përpjekje të Moskës për të zvarritur luftën.