Arrestimi i kryebashkiakut të Tiranës ndryshoi qasjen e Kryeministrit ndaj drejtësisë së re. Edi Rama komunikoi të martën heqjen dorë nga parimi për të mos komentuar vendimet e drejtësisë dhe foli për një qasje kritike ndaj SPAK-ut. Rama: “ Lajmi që kam për ju sot është që unë do të ndaj mendimet e mia me publikun kur të shoh që drejtësia të bëjë punën e saj në të gjitha rastet që drejtësia do të bëjë punën e saj. Sot opinion im është ky: drejtësia e re ka hyrë në një fazë që ka fituar vetëbesimin e nevojshëm dhe mbështetja jonë do të vazhdojë njësoj, por nuk ka më pse të mos shpreshim opinionet kritike, që në këtë fazë janë të domosdoshme për drejtësinë e pavarur, si drejtësi jo thjesht e pavarur, që të hetojë dhe godasë majtas dhe djathtas kë konsideron të arsyeshme, por si një drejtësi me standard të paqortueshme demokratike europiane.”