Policia e Shkodrës ka zbardhur atentatin e ndodhur pak ditë më parë në lagjen Partizani dhe ka shpallur në kërkim dy autorët e dyshuar. Në kërkim janë shpallur Tornato Fusha 20 vjec dhe Bajram Cekorja 24 vjec. Këta dy të fundit akuzohet se qëlluan 19 herë me armë zjarri drejt Alban Brucajt, dy netë më parë. Sipas informacioneve, atentati ka ndodhur për larje hesapesh, pasi Bruci I cili ishte shenjestra e atentatit, pak kohë më parë ka plagosur me armë zjarri Tornato Fushën. Deri më tani, policia nuk ka zbardhur asanjë detaj tjetër, me qëllim ruajtjen e sekretit hetimor, ndërkohë vijon puna për kapjen e autorëve. Tornato Fusha dhe Bajram Cekorja qëlluan drejt automjetit tip Audi me të cilin po lëvizte Alban Bruci, por fatmirësiht ky i fundit arriti ti shpëtoi atentatit. Policia shkoi menjëherë në vendin e ngjarjes, ku mori në pyetje 25 vjecarin, deklaratë e cila mesa duket i ka shërbyer efektivëve. Ata po ashtu sekuestruan nga vendi i ngjarjes 19 gëzhoja që u përdorën nga autorët gjatë atentatit. Alban Bruci ka qenë i arrestuar në vitin 2016 pasi akuzohej se qëlloi me armë në drejtim të një shtetasi me inicnale AJ, në lagjen “Vojo Kushi” pas teatrit “Migjeni”. Bruçi u akuzua për vrasje me dashje e mbetur në tentativë. Ngjarja që terrorizoi banorët e zonës ndodhi më 1 prill të vitit 2016, ndërsa fatmirësisht nuk pati të lënduar.