Vladimir Putin ka miratuar doktrinën e përditësuar bërthamore, duke thënë se Rusia mund të konsiderojë përdorimin e armëve bërthamore nëse i nënshtrohet një sulmi konvencional me raketa ndaj saj të mbështetur nga një fuqi bërthamore. Vendimi për të ndryshuar doktrinën zyrtare bërthamore të Rusisë është përgjigja e Kremlinit ndaj vendimit të administratës Biden për të lejuar Ukrainën të lëshojë raketa amerikane me rreze të gjatë veprimi thellë në Rusi. Doktrina e përditësuar, e cila përshkruan kërcënimet që do ta bënin udhëheqjen ruse të konsideronte një sulm bërthamor, thotë se një sulm me raketa konvencionale, dronë ose avionë mund të merret në konsideratë për të përmbushur këto kritere. Ajo thotë gjithashtu se çdo agresion kundër Rusisë nga një shtet që është anëtar i një koalicioni do të konsiderohej nga Moska si agresion kundër saj nga i gjithë koalicioni. Vetëm disa javë përpara zgjedhjeve presidenciale të nëntorit në SHBA, Putin urdhëroi ndryshime në doktrinën bërthamore për të thënë se çdo sulm konvencional ndaj Rusisë i ndihmuar nga një fuqi bërthamore mund të konsiderohet si një sulm i përbashkët ndaj Rusisë. Lufta 1000-ditore e Ukrainës ka shkaktuar konfrontimin më të rëndë mes Rusisë dhe Perëndimit që nga kriza e raketave Kubane e vitit 1962, e konsideruar si momenti kur dy superfuqitë e luftës së ftohtë iu afruan më shumë luftës bërthamore.