Presidenti rus, Vladimir Putin ka gjetur një mënyrë alternative për të marrë pjesë në takimin e BRICS që mbahet në Afrikë. Putin do të jetë pjesë e këtij takimi të rëndësishëm virtualisht, e shkak për këtë është bërë urdhërarresti ndërkombëtar I lëshuar ndaj tij, për akuzën e rrëmbimit të fëmijëve ukrainas. Në takimin 3 ditor që mbahet në Afrikën e Jugut, blloku i përbërë nga Brazili, Rusia, India, Kina dhe Afrika e Jugut, po zhvillon takimin e tij të parë që nga periudha para përhapjes së pandemisë. Udhëheqësi kinez Xi, Presidenti brazilian Luiz Inácio Lula da Silva, Kryeministri indian Narendra Modi dhe Presidenti i Afrikës së Jugut Cyril Ramaphosa do të marrin pjesë personalisht në diskutimet e bllokut, i cili strehon 40% të popullsisë së botës dhe është përgjegjëse për më shumë se 30% të prodhimit ekonomik të botës. Ndërkohë Rusia do të jetë e përfaqësuar fizikisht nga Ministri I Jashtëm Sergey Lavrov.