Pas njëmbëdhjetë ditësh përplasjeje në Lindjen e Mesme, presidenti amerikan Donald Trump i ka kërkuar udhëheqjes izraelite të shmangë sulmet ndaj infrastrukturës energjetike të Iranit, veçanërisht ndaj objekteve të naftës. Tre burime i thanë portalit “Axios” se kërkesa lidhet me frikën për një përshkallëzim që mund të tronditë edhe më tej tregjet ndërkombëtare të energjisë. Në terren ndërkohë vijojnë pasojat e konfliktit. Sipas agjencisë Reuters, të paktën 140 ushtarë amerikanë janë plagosur gjatë njëmbëdhjetë ditëve të përballjes me Iranin. Shifra është konfirmuar më vonë edhe nga Pentagoni. Paralelisht, agjencitë amerikane të inteligjencës kanë ngritur alarmin për një kërcënim të ri në Gjirin Persik. Sipas CBS Neës, Irani mund të jetë duke u përgatitur të vendosë mina detare në Ngushticën e Hormuzit. Informacionet flasin për përdorimin e anijeve të vogla që mund të mbajnë nga dy deri në tre mina secila.