Afro 150 trupa amerikane janë plagosur deri më tani në luftën me Iranin, thonë burimet. Shifra e viktimave nuk është raportuar më herët dhe para publikimit të saj nga nga Reuters, Pentagoni kishte zbuluar vetëm tetë trupa amerikan të plagosura rëndë. Në një deklaratë të lëshuar pasi Reuters publikoi raportin e tij, Pentagoni vlerësoi shifrën në afërsisht 140 të plagosur. "Që nga fillimi i Operacionit Epic Fury, afërsisht 140 anëtarë të shërbimit amerikan janë plagosur në 10 ditë sulme të vazhdueshme", tha zëdhënësi kryesor i Pentagonit Sean Parnell. Ai shtoi se 108 nga anëtarët e plagosur të shërbimit ishin kthyer tashmë në detyrë. Parnell tha se tetë ushtarakë të plagosur rëndë po merrnin nivelin më të lartë të kujdesit mjekësor. Reuters nuk mundi të përcaktonte llojet e lëndimeve dhe nëse ato përfshijnë lëndime traumatike në tru, që janë të zakonshme pas ekspozimit ndaj shpërthimeve. Irani ka nisur sulme hakmarrëse kundër bazave ushtarake amerikane që nga fillimi i konfliktit më 28 shkurt. Ai gjithashtu ka goditur misione diplomatike në shtetet arabe të Gjirit, si dhe hotele dhe aeroporte dhe ka dëmtuar infrastrukturën e naftës. Pentagoni thotë se numri i sulmeve iraniane ka rënë ndjeshëm që nga fillimi i luftës, pasi ushtria amerikane bombardon arsenalin e armëve të Iranit dhe synon numrin më të kufizuar raketa-lëshuesve. I pyetur nëse Irani ishte një kundërshtar më i fortë nga sa priste kur ushtria amerikane hartoi planet e saj të luftës, gjenerali Dan Caine, kryetar i Shtabit të Përbashkët të Ushtrisë, u tha gazetarëve se lufta nuk ishte më e vështirë nga sa pritej. "Mendoj se po luftojnë dhe e respektoj këtë, por nuk mendoj se janë më të frikshëm nga sa mendonim", tha Caine në një konferencë për shtyp në Pentagon.