Vladimir Putin ka vendosur të kandidojë në zgjehdjet presidenciale të marsit, një lëvizje kjo që do ta mbajë në pushtet të paktën deri në 2030-ën, ndërsa shefi i Kremlinit ndjen se ai duhet të udhëheqë rusinë përgjatë periudhës më të rrezikshme në dekada – kanë thënë për agjencinë e lajmeve Reuters, të paktën gjashtë burime. Putin, që e mori presidencën nga Boris Yeltsin, në ditën e fundit të 1999, ka shërbyer si president më gjatë se cdo sundimtar tjetër rusë që nga koha e Josef Stalinit, duke mundur edhe 18 vitet në detyrë të Leonid Brezhnev. Burimet që folën për agjencinë e lajmeve Reuters në kushte anonimiteti për shkak të ndjeshmërisë së politikës së kremlinit, thanë se lajmi për vendimin e Putinit është mbajtur i fshehtë dhe se këshilltarët kanë nisur tani të përgatiten për fushatë. Për Putinin, që në sondazhet e opinionit publik gëzon 80 për qind të mbështetjes në rusi, zgjedhja është një formalitet nëse kandidon; me mbështetjen e shtetit, median shtetërore dhe pothuajse pa asnjë zë kritik në publik, ai është i sigurt në fitore.