Nëse pyesni 100 njerëz për të mësuar se Vladimir Putin është apo jo një komunist, askush nuk do t’iu thotë po, pavarësisht nga e kaluara e tij si kolonel i KGB, që ishte i plotfuqishëm në epokën e Bashkimin Sovjetik. Nuk është e paarsyeshme të mendohet, që edhe ai vetë e mohon të ketë çdo lloj besimi tek ideologjia zyrtare e regjimit, në shërbim të të cilit punoi për shumë vite. E megjithatë, gazetari italian Massimo Negrotti shkruan në një analizë të gjatë se Putin është duke ndjekur një qëllim gjeopolitik më të gjerë, që ka të bëjë me rindërtimin e një zone të kontrolluar nga Rusia, shumë e ngjashme me atë që kontrollonte dikur Bashkimi Sovjetik. Në këtë kuptim, anëtarësimi i Ukrainës në NATO, do të jetë përdorur nga Putin si pretekst, edhe pse jo tërësisht i pajustifikuar dhe i adresuar keq nga politika ndërkombëtare perëndimore, për pushtimin që po ndodh tani. Të njëjtët analistë, pyesin gjithashtu se si po reagon tani dhe në të ardhmen opinioni publik rus përballë kësaj lufte dhe sanksioneve perëndimore, a thua se opinioni publik ekziston vërtet në Rusi. Dhe këtu është thelbi i problemit.